Молекуларна биологија (акредитација 2013 год.)

1 циклус, 4 години, 8 семестри, 240 ЕКТС кредити

Студиската програма за молекуларна биологија се состои од 4 години (8 семестри) со што студентите добиваат 240 кредити (EKTС). Студиската програма претставува академски студии. Професионалната титула по завршување на првиот циклус студии и одбрана на дипломска тема е Дипломиран молекуларен биолог (Дипл. мол. биол.).

Овие додипломски студии и програмата се организирани за стекнување на VI/A степен образование и целосно исполнување на дескрипторите за квалификации. Студиската програма дава можност за понатамошна континуирана едукација на повисоко ниво т.е. втор циклус студии во различни области на молекуларната биологија, молекуларната генетика, генетскиот инженеринг и биотехнологијата кој ги организира Институтот за биологија.

Стручен назив: Дипломиран молекуларен биолог (Дипл. мол. биол.); Bachelor of Science in Molecular Biology (BSc. Mol. Biol.)

Подолу се наведени поважните информации за студиската програма. За подетални податоци, преземете го елаборатот за студиската програма.

Начин на финансирање

Кандидатите се запишуваат како редовни студенти финансирани од државата и редовни студенти со кофинансирање на студиите на Институтот за биологија.

Услови за запишување

Условите и критериумите за запишување на студентите на студии на Универзитетот „Св. Кирил и Методиј“ ги пропишува Ректоратот на Универзитетот во согласност со законските прописи и препораките на Министерството за образование и наука.

Право на запишување на прв циклус студии (прв циклус на универзитетски и на стручни студии) на Институтот за биологија имаат кандидати кои положиле државна или меѓународна матура. Право на запишување на прв циклус студии на Институтот за биологија имаат и кандидати кои положиле училишна матура во гимназиско образование или завршен испит по завршено соодветно стручно средно образование со четиригодишно траење. Право на запишување на прв циклус студии имаат и кандидати со завршено четиригодишно средно образование во претходните учебни години (пред учебната 2007/2008 година) кои не полагале државна матура.

На прв циклус студии на Институтот за биологија можат да се запишат и кандидати што имаат завршено високо или вишо образование на сродни факултети. Сродноста ја утврдува Институтот за биологија и ја објавува ПМФ.

Структура на студиската програма

Листа на задолжителни предмети

Листата на задолжителни предмети за студиите по молекуларна биологија на Институтот за биологија се дадени во следните табели (П - предавања, А - аудиториски вежби, Л - лабораториски вежби):

Секоја од студиските програми вклучува изработка и одбрана на дипломска работа која е вреднувана со 6 или 8 ЕКТС. Студентите може да ја изработат дипломската работа на еден од заводите при Институтот за биологија.

Листа на изборни предмети

Листата на изборните предмети е даденна во следната табела.

Начин на избор на предмети

Во рамките на студиската програма студентите ги запишуваат сите задолжителни предмети. Триесет проценти од изборните предмети студентите ги бираат од листата на изборните предмети на Природно-математичкиот факултет (Прилог 3.2). Останатите десет проценти од изборните предмети студентите можат да ги изберат од листата на акредитирани предмети од единицата и/или од единиците на УКИМ. Исто така, студентите од една студиска програма можат да изберат како изборен предмет задолжителни предмети од другите студиски програми.