Биохемија и физиологија (акредитација 2013 год.)

1 циклус, 4 години, 8 семестри, 240 ЕКТС кредити

Студиската програма за биохемија и физиологија се состои од 4 години (8 семестри) со што студентите добиваат 240 кредити. Овие додипломски студии и програмата се организирани за стекнување на VI/A степен образование и целосно исполнување на дескрипторите за квалификации.

Професионалната титула по завршување на првиот циклус студии и одбрана на дипломска тема е Дипломиран инженер по биологија - биохемија и физиологија (Дипл. инж. биол.).

Студиската програма дава можност за понатамошна континуирана едукација на повисоко ниво на студии – втор циклус на студии организиран од Институтот за биологија и тоа во различни области на биохемијата и физиологијата (експериментална, фундаментална, апликативна и развојна), од областа на молекуларната биологија и технологија, како и од областа на животната средина.

Стручен назив: Дипломиран инженер по биологија - биохемија и физиологија (Дипл. инж. биол.); Bachelor of Science in Biology - Biochemistry and Physiology (BSc. Biol. Eng.)

Подолу се наведени поважните информации за студиската програма. За подетални податоци, преземете го елаборатот за студиската програма.

Начин на финансирање

Кандидатите се запишуваат како редовни студенти финансирани од државата и редовни студенти со кофинансирање на студиите на Институтот за биологија.

Услови за запишување

Условите и критериумите за запишување на студентите на студии на Универзитетот „Св. Кирил и Методиј“ ги пропишува Ректоратот на Универзитетот во согласност со законските прописи и препораките на Министерството за образование и наука.

Право на запишување на прв циклус студии (прв циклус на универзитетски и на стручни студии) на Институтот за биологија имаат кандидати кои положиле државна или меѓународна матура. Право на запишување на прв циклус студии на Институтот за биологија имаат и кандидати кои положиле училишна матура во гимназиско образование или завршен испит по завршено соодветно стручно средно образование со четиригодишно траење. Право на запишување на прв циклус студии имаат и кандидати со завршено четиригодишно средно образование во претходните учебни години (пред учебната 2007/2008 година) кои не полагале државна матура.

На прв циклус студии на Институтот за биологија можат да се запишат и кандидати што имаат завршено високо или вишо образование на сродни факултети. Сродноста ја утврдува Институтот за биологија и ја објавува ПМФ. 

Структура на студиската програма по биохемија и физиологија

Структурата на студиската програма по биохемија и физиологија на Институтот за биологија е дадена во следнава табела (П - предавања, А - аудиториски вежби, Л - лабораториски вежби):

Во студиската програма се вклучува изработка и одбрана на дипломска работа која е вреднувана со 6 ЕКТС. Студентите може да ја изработат дипломската работа на едно од одделенијата при Институтот за биологија, на друг сроден институт во рамките на ПМФ или во други сродни институции кои се занимаваат со проблематика од областа на физиологијата и биохемијата и воедно е блиска на студиската програма.

Листа на изборни предмети од факултетска листа

Листа на изборни предмети од универзитетска листа 

Начин на избор на предмети

Во рамките на оваа студиска програма студентите ги запишуваат сите задолжителни предмети. Триесет проценти од изборните предмети (вкупно 13) студентите ги бираат од листата на изборните предмети на Природно-математичкиот факултет (факултетска листа Табела 1 и 2), а останатите десет проценти од изборните предмети (вкупно 4) студентите можат да ги изберат од листата (универзитетска листа) на акредитирани предмети од единицата и/или од единиците на УКИМ.

Предметите наведени во табела 1 и 2 се соодветни на стекнатите знаења со задолжителните предмети предвидени во соодветните студиски години, односно семестри. Од листата на изборни предмети дадени во Табела 2, студентот може да избере предмети од наведените области во зависност од индивидуалниот интерес и афинитет.  

Сите изборни предмети кои се предложени во оваа студиска програма може да бидат понудени како изборни предмети и на другите студиски програми кои ги реализира Институтот за биологија.