Екологија и животна средина (акредитација 2022 год.)

1 циклус, 3 години, 6 семестри, 180 ЕКТС кредити

Студиската програма за екологија се состои од 3 години (6 семестри) со што студентите добиваат 180 кредити. Студиската програма претставува академски студии. Професионалната титула по завршување на првиот циклус студии е Дипломиран еколог (Дипл. екол.).

Овие додипломски студии и програмата се организирани за стекнување на VI/Б степен образование и целосно исполнување на дескрипторите за квалификации. Студиската програма дава можност за понатамошна континуирана едукација на повисоко ниво на студии. Имено, Институтот за биологија реализира втор циклус студии по екологија со кој се продлабочуваат знаењата во различните области на екологијата и животната средина, кои опфаќаат елементи од фундаменталните, апликативните и развојните аспекти на еколошките закономерности во животната средина.

Стручен назив: Дипломиран еколог (Дипл. екол.); Bachelor in Еcology (B.ecol.)

Подолу се наведени поважните информации за студиската програма. За подетални податоци, преземете го елаборатот за студиската програма.

Преземете го овде Решението за акредитација на студиската програма, издадено од Одборот за акредитација на високото образование.

Преземете го овде Решението за почеток со работа на студиската програма, издадено од Агенцијата за квалитет во високото образование.

Начин на финансирање

Сопствена партиципација на студентот изнесува 200 € годишно, или вкупно 600 € за трите години (во денарска противвредност според средниот девизен курс на НБРМ).

Услови за запишување

Условите и критериумите за запишување на студентите на студии на Универзитетот „Св. Кирил и Методиј“ ги пропишува Ректоратот на Универзитетот во согласност со законските прописи и препораките на Министерството за образование и наука.

Право на запишување на прв циклус студии (прв циклус на универзитетски и на стручни студии) на Институтот за биологија имаат кандидати кои положиле државна или меѓународна матура. Право на запишување на прв циклус студии на Институтот за биологија имаат и кандидати кои положиле училишна матура во гимназиско образование или завршен испит по завршено соодветно стручно средно образование со четиригодишно траење. Право на запишување на прв циклус студии имаат и кандидати со завршено четиригодишно средно образование во претходните учебни години (пред учебната 2007/2008 година) кои не полагале државна матура. На прв циклус студии на Институтот за биологија можат да се запишат и кандидати што имаат завршено високо или вишо образование на сродни факултети. Сродноста ја утврдува Институтот за биологија и ја објавува ПМФ. 

Дипломираните студенти на студиската програма по екологија и животна средина на Институтот за биологија можат да го продолжат студирањето на соодветните студиски програми на втор циклус студии. Исто така, дипломираните студенти можат да се запишат на друга насока од втор циклус на некој од сродните факултети при Универзитетот „Св. Кирил и Методиј“ и другите приватни и државни високообразовни институции во Република Северна Македонија или во странство.

Структура на студиската програма

Листа на задолжителни предмети

Листата на задолжителни предмети за студиите по екологија и животна средина на Институтот за биологија се дадени во следните табели

Во студиската програма во 2-ри, 4-ти и 6-ти семестар е предвидена реализација на студентска пракса во времетраење од 30 дена, која претпоставува практика во разни фирми, институции, лаборатории од полето на екологијата и животната средина. Студентот е должен пред да го запише соодветниот нареден семестар, реализацијата на студентската пракса да ја докаже со потврда од организацијата каде што ја реализирал праксата и истата ја депонира во студентското досие.

Листа на изборни предмети

Листата на изборните предмети е дадена во следната табела: