Модул екологија

Научно-истражувачко подрачје: природно-математички науки (подрачје 1); Поле: Биологија(поле 102); Област: екологија (област 10205) 

Модул таксономија

Научно-истражувачко подрачје: природно-математички науки(подрачје 1); Поле: Биологија(поле 102); Област: таксономија( друго10215)

Модул биохемија и физиологија

Научно-истражувачко подрачје: природно-математички науки(подрачје 1); Поле: Биологија(поле 102); Област: биохемија и физиологија (област 10201 и 10207)

Модул молекуларна биологија

Научно-истражувачко подрачје: природно-математички науки(подрачје 1); Поле: Биологија(поле 102); Област: молекуларна биологија(област 10211)

2. Степен на образование (трет циклус) и вид на студиската програма

Трет циклус на студии (VIII). Докторски студии.

7. Услови за запишување

На студиската програма од третиот циклус докторски студии право за запишување имаат  лица  кои  ги  исполнуваат  условите  цитирани  во  член  13,  14  и  15  од  Универзитетски  гласник (година XIII, бр.245, 2. мај 2013 год.). Условите и критериумите за запишување на студентите на студии на Универзитетот „Св. Кирил  и  Методиј”  ги  пропишува  Ректоратот  на  Универзитетот  во  согласност  со  законските прописи и препораките на Министерството за образование и наука.

8. СТРУКТУРА НА СТУДИСКАТА ПРОГРАМА согласно правилникот за организирање докторски студии на единицата, број на предвидени предмети и стекнати кредити, како и број на кредити стекнати со изработката на докторскиот труд

Во структурната организираност на оваа студиска програма треба да бидат  задоволени одредени критериуми:

• Во текот на студиите студентот треба да собере 180 ЕКТС кредити;
• Бројот на кредити е 30 ЕКТС за еден семестар или 60 во текот на една година;
• Еден кредит подразбира 30 часа работа. Остварување 60 кредити значи 1800 часови оптеретување;
• Наставата се одвива 15 недели во семестари или триесет недели во една учебна  година.

Студиската  програма  на  докторски  студии  е  изградена  од  повеќе  компоненти кои имаат логичен редослед. Имено, таа се состои од:

1. Три  предмети  за  стекнување  генерички  знаења  и  вештини  за  истражување,  што изнесува 12 кредити (секој предмет од оваа група е вреднуван со 4 кредити). Овде припаѓаат еден предмет од групата предмети Научноистражувачка етика со примена и примери во подрачјето, еден предмет од групата предмети Методологија на научното истражување со примена и примери во подрачјето и уште еден предмет од понудената листа на други предмети од обуката за истражување, која по предлог  на  единицата  носител  на  студиските  програми,  ја  потврдува  Универзитетскиот стручен совет за докторски студии.

2. Докторските  семинари,  конференции  и  работилници  од  истражувачката  практика изнесуваат 18 кредити. Семинарот и годишната конференција се организираат за секоја академска година и се реализираат со јавна презентација. Секоја јавна презентација на семинар и годишна конференција  се  вреднува со по 2 кредити (2+2+2 – јавна презентација;  2+2+2 – годишна конференција). Работилниците за  истражувачката  практика  се организираат  во  рамките  на  студиската  програма. Секоја  работилница се вреднува со по 3 кредити (3+3).

3. Обуката  за  едукација  опфаќа  четири предмети  од  полето,  подрачјето  и  потесната  област  на истражувањето,  што  изнесува  30 кредити (7.5 EКТС за секој предмет).  Во  оваа  група  предмети  припаѓаат изборни предмети.

Активностите  поврзани  со  пријавување  и  изработка  на  докторската  дисертација опфаќаат:

• Истражување за подготовка на тема за докторска дисертација (во II семестар) се вреднува со 14 кредити;
• Истражување, подготвување и поднесување на пријавата на темата за докторска дисертација (во III семестар), се вреднуваат со по 28 кредити;
• Истражување и објавување резултати (во IV семестар) се вреднуваат со 25 кредити; Истражување и објавување резултати (во V семестар) се вреднуваат со 28 кредити; Истражување и пишување на тезата (во VI семестар) се вреднуваат со 25 кредити.

Наставата на студиската програма се изведува на македонски јазик. Според потребите и афинитетот на кандидатите  одредени  делови  може  да  се  организираат  и  изведуваат  и  на англиски јазик. Литературата за настава може да биде и на некој од светските јазици.

Наставата на докторските студии се организира во два облика:

• Групна настава, која е основен облик на докторските студии и може да се организира по сите премети. Најмалата  бројка  на  студенти  за  кои  треба  да  се  организира  групна  настава  е  5 кандидати. 
• Поединечна настава (менторска) која се одржува во вид на консултации. Најмалата  бројка  на  студенти  за  која  треба  да  се  организира поединечна настава е 1 кандидат.

Во реализација на наставата на докторските студии може да учествуваат и лица од други школи за докторски студии, факултети, институции и други Универзитети од земјата и странство,  под  услови  утврдени  со  Закон,  Статутот  и  Правилникот  на Универзитетот „Св. Кирил и Методиј”.  

Распределба на предметите и кредити по години

Наставата на третиот циклус е организирана во тригодишен курикулум кој се одвива низ шест семестри.

I година: основни (генерички) предмети  (12 кредити), семинари  (4 кредити), работење на докторската теза (14 кредити), предмети од подрачјето, предмети од полето на истражување, специфични предмети од потесната област на истражувањето (30 кредити);

II година: научноистражувачка работа изработка на докторската дисертација  подготвување на  темата,  поднесување  пријава  за  темата  за  докторската  дисертација,  истражување  и објавување резултати (53 кредити), учество во публикации на научен труд, докторски  семинар  со  презентација  на  извештај,  годишна  конференција  (4  кредити)  и работилница за истражувачка практика (3 кредити);

III година: научноистражувачка работа (истржување  и  објавување  резултати,  пишување  на тезата (53 кредити), научна активност (докторски семинар со презентација на извештај, годишна конференција (4 кредити) и работилница за истражувачка практика (3 кредити).  Според  својата  структура,  докторските  студии  по  биологија  се  прилагодени според Европскиот Кредит Трансфер Систем за еквиваленција на испити односно кредити, со што се создаваат услови за мобилност на студентите запишани на третиот циклус студии

9. Структура на студиската програма по биологија (важи за сите модули)