Биографија

М-р Марија Чобанова (1994, Скопје) е асистент на Институтот за биологија при Природно-математичкиот факултет во Скопје од декември 2022 година, каде што активно учествува во наставно-образовната и научно-истражувачката работа во областа на екологијата и заштитата на животната средина. Дипломира во 2019 година на студиската програма Биологија – еколошка насока на Универзитетот „Св. Кирил и Методиј“ со просек 9.7, а магистерските студии ги завршува во 2021 година со просек 10.00. Во фокусот на нејзините истражувања за додипломските и постипломските студии е екологијата на високопланинските тресетишта. Од 2022 година е запишана на докторски студии на Институтот за биологија.

Нејзиниот научен интерес е насочен кон екосистемската екологија, со посебен акцент на влажните екосистеми. Во својата работа се занимава со проучување на биомаса и продукција, почвени и хидролошки карактеристики, хемизам на води, како и влијанијата на антропогените фактори и конзервациските аспекти. Дополнително, активно работи на концептот за екосистемските услуги и нивна примена во управувањето со природните ресурси. Во наставната дејност е вклучена од 2019 година, каде што учествува во изведување на практична и теренска настава по повеќе предмети од областа на екологијата, како и во менторска поддршка на студенти при изработка на истражувачки проекти, дипломски и магистерски трудови. Автор е и коавтор на повеќе научни трудови во меѓународни и национални списанија, како и на бројни стручни и научни извештаи. Учествувала на повеќе научни собири, каде ги презентира резултатите од своите истражувања.

Покрај академската работа, активно е вклучена во работата на повеќе национални и меѓународни организации од областа на влажни екосистеми, биодиверзитетот и екосистемски услуги каде има и координативни и лидерски улоги. Нејзиниот ангажман вклучува и учество во активности поврзани со јакнење на капацитети, работа со млади, научна комуникација и поврзување на науката со политики за заштита на природа.

Престои

Август 2023 - Јуни 2024 Graifswald Mire Center, Greifswald University, Germany

Трудови и конф.

• Trencheva, M., Atanasovska, K., Avukatov, V., Melovska, N., Campagne, S. C., Burkhard, B. Hristovski, S. Two-scale approach of ecosystem services assessment and perspectives on implementation in North Macedonia. 3^rd ESP Europe Conference: Ecosystem Services Sciences, Policy and Practice in the face of Global Changes.  Tartu, Estonia, 7^th-10^th June 2021
• Atanasovska, K., Melovska, N., Trencheva, M., Trpeski, V., Jordanov, S. Multi-stakeholder collaboration and capacity building programme on integrating ecosystem services approach in policy and decision-making: A case study in North Macedonia. 4^th ESP Europe Conference: Ecosystem services empowering people and societies in times of crises. Heraklion, Greece, 10^th-14^th October 2022
• Stojanovska, A., Trencheva, M., Jovanovska, D., Hristovski, S. Assessment of highway heavy metals pollution: analyses of soils and plants (alfalfa, wheat and rapeseed). Abstract book, p. 26. 6^th Congress of Ecologists of the Republic of North Macedonia, with international participation., Ohrid, North Macedonia October 15^th-18^th 2022
• Trencheva, M., Dedov, I., Jovanovska, D., Hristovski, S. Can groundwater chemistry be an explanatory variable for gradients in snails diversity in fens? Small-scale study from Shar Planina, North Macedonia. Abstract book, p. 141. 6^th Congress of Ecologists of the Republic of North Macedonia, with international participation., Ohrid, North Macedonia October 15^th-18^th 2022
• Pelikudovska, D., Jovanovska, S., Dochovska, M., Trencheva, M., Hristovski, S. Wet meadows in Prespa: Lake Prespa’s buffer from artificial fertilizers. Abstract book, p. 191. 6^th Congress of Ecologists of the Republic of North Macedonia, with international participation., Ohrid, North Macedonia October 15^th-18^th 2022
• Trencheva, M., Dinova, D., Jovanovska, D., Angelovska, A., Boshkovska, V., Krstevska, S., Hristovski, S. From theory to practice: Fens’ monitoring in Protected Landscape “Osogovski Planini” in North Macedonia. Abstract book, p. 195. 6^th Congress of Ecologists of the Republic of North Macedonia, with international participation., Ohrid, North Macedonia October 15^th-18^th 2022
• Nikolov, L., Trencheva, M., Pelikudovska, D., Jovanovska, D., Zaec, D., Hristovski, S. Biomass and chemical composition of wet meadows in Prespa watershed (North Macedonia). Abstract book, p. 218. 6^th Congress of Ecologists of the Republic of North Macedonia, with international participation., Ohrid, North Macedonia October 15^th-18^th 2022
• Melovska, N., Trencheva, M., Atanasovska, K., Avukatov, V., Nakev, S., Nikolov, L., Sterijovski, B., Campaign, S. Use of ecosystem services concept for improving the management and financing mechanisms of protected areas in Macedonia. Case study of Vevcanski Izvori Monument of Nature. Abstract book, p. 225. 6^th Congress of Ecologists of the Republic of North Macedonia, with international participation., Ohrid, North Macedonia October 15^th-18^th 2022
• Hájková, P., Hájek, M., Lazarević, P., Pérez-Haase, A., Jiménez-Alfaro, B., Apostolova, I., Sopotlieva, D., Goia, I., Shuka, L., Praleskouskaya, S., Dítě, D., Chobanova, M., Hristovski, S., Ćušterevska, R., Tomaselli, M. and Bergmeier, E. What do we know about the vegetation of South-European alpine fens with high endemism? 31st Conference of the European Vegetation Survey: European vegetation survey: methods and approaches in a changing environment, Rome, Italy May 21^th-25^th2023
• Chobanova, M., Jovanovska, D., Hristovski, S. Wetland area assessment in North Macedonia. 19^th Society of Wetland Society Europe Chapter Conference, Goniadz, Poland June 24^th-26^th 2024
• Kostandinovska, S., Chobanova, M., Hristovski, S., Kungulovski, Dz., Atanasov-Pancevska, N. Ecology of soil species of the genus Bacillus and the influence of environmental factors on their biologically active compounds, 27^th Congress of SCTM, Ohrid, N orth Macedonia, Sept. 25-28 2024
• Tegetmeyer,C,, Kaiser, M., Chobanova, M., Tanneberger, F. & Barthelmes, A. The European peatland map 2025 (EPM2025), RRR 2025 - 4^th International Conference on the Utilisation of Wetland Plants, Greifswald, Germany, Sept. 23-26 2025 

Др. активности

• 2011 – сега: член на Истражувачко Друштво на Студенти Биолози (ИДСБ); во функција на Претседател во 2017 година
• 2014 – сега: член на Македонско еколошко друштво (МЕД); функција на координатор за секцијата Млади еколози од 2021 година
• 2017 – 2018: национален претставник во Young European Biologists network
• 2017- сега: член на Македонско биолошко друштво (МБД)
• 2020 – сега: член на Society of Wetland Scientists; функција на офицер за комуникации од 2024 година
• 2022 – сега: член и национален претставник на Ecosystem Services Partnership (ESP)
• 2022 – сега: член на Young Ecosystem Services Specialists (YEES)
• 2024 – сега: член на International Mire Conservation Group
• 2025 – сега: национален координатор во поглавјето Западен Балкан во Global Youth Biodiversity Network

Проекти

1. Март 2020 – Декември 2020: Мал истражувачки грант: „Екосистемско истражување на шумски тресетишта во срцето на Шар Планина: врски меѓу биомасата, флористичкиот состав, трансформациите на азот во почвите и почвените микроорганизми“. Проектот е финансиран од програмата за поддршка на млади еколози „Д-р Љупчо Меловски“
2. Март 2021 – Декември 2022: Среден истражувачки грант: „Шар Планина: рефугиум на Балканските тресетишта“. Проектот е финансиран од програмата за поддршка на млади еколози „Д-р Љупчо Меловски“
3. Јуни 2021 – Јули 2022: Награда на секцијата за тресетишта и студентски грант од Европското поглавје на Друштвото на научници за влажни екосистеми: “Ecological traits of rare mountain ecosystems in North Macedonia: assessment of water levels and water chemistry in relation to plant species diversity”, финансиран од Society of Wetland Scientists
4. Август 2023 – Јуни 2024: Истражувачки престој во рамки на проектот: “Science in favor of successful conservation of fen ecosystems in North Macedonia” финансиран од Deutsche Bundesstiftung Umwelt, спроведен во Greifswald Mire Centar (GMC) во Greifswald, Германија. GMC е чадор институција помеѓу University of Greifswald, Michael Succow Foundation и Institute of Sustainable Development of Landscapes of the Earth
5. Мај 2026 - Октомври 2026: мал истражувачки грант за проектот: "Monospitovsko Marsh Under Threat: Linking soil carbon, moisture gradients and wetland loss"  финансиран од Deutsche Bundesstiftung Umwelt