Соопштенија

Се известуваат редовните и вонредните студенти на Природно-математичкиот факултет во Скопје, дека заверувањето на зимскиот  и запишувањето на летниот семестар во уч.2020/2021 година ќе се одвива на следниов начин:

Во периодот од 8.2.2021 година до 12.2.2021 година секој студент треба да се обрати до ЕКТС координаторот на студиската програма на соодветниот Институт и со себе треба да носи индекс и ЕКТС образец или А3 образец (за институтите кои немаат ЕКТС образец).

Откако ќе биде одобрен и потпишан ЕКТС образецот или А3 образецот (за институтите кои немаат ЕКТС образец), студентот ќе биде препратен до одговорното лице во Институтот, за закажување на термин за поднесување на документи во Одделението за студентски прашања.

Важна напомена: Секој координатор ќе објави свое соопштение за начинот на прием и обработка на документи.

Студентот е должен да се јави во Одделението за студентски прашања во точниот термин што му е доделен од Институтот, се со цел да се испочитуваат мерките и протоколите за заштита од коронавирусот, поднесувајќи ги сите потребни документи и уплатници наведени во соопштението подолу.

Ако студентот е спречен заради изолација документите да ги достави до Одделението за студентски прашања, истото може да го направи со нивно доставување по електронски пат, на електронските адреси на вработените во одделението (наведени подолу).Кон документите задолжително да достави и решение за изолација, во спротивно истите нема да се земат во предвид.

ЕКТС координатори на ПМФ 

Институт за биологија

Потребни документи

• образец за заверување  на зимскиот семестар,
• образец за запишување  на летниот семестар,
• пополнет и потпишан образец за ЕКТС за положени испити, односно за освоени кредити и за пријавени предмети кои ќе ги слушаат во летниот семестар (образецот се пополнува во координација со координаторот на соодветната студиска програма, со исклучок на Институот за биологија и Институтот за математика).
• индекс

- уплатница за уплатени 200,00 ден. за административни трошоци-цел на дознака и приходна шифра  програма  начин 723019-41–2

- уплатница за уплатени 100,00 ден. за обезбедување-цел на дознака и приходна шифра  програма  начин 723019-41–2

 -уплатница за уплатени 100,00 д. за тетратки-цел на дознака и приходна шифра  програма  начин 723019-41–2 и

• уплатница за уплатени средства за упис на летниот семестар во уч. 2020/2021 година за студентите запишани со партиципација (државна квота).
  • износот на сумата, претставува збир на вкупната сума од цената на кредити при прво запишување на предмети и вкупната цена на кредити за презапишување на предмети (доколку студентот презапишува предмети), согласно образецот за ектс одобрен од координаторите за ектс. Цените на кредити се одредени согласно со одлука на Деканатска управа бр. 02-3456/2 од 15.02.2010 година,

или,

• ·уплатница за уплатени средства за упис на летниот семестар во уч.2020/2021 година  за редовните и вонредните студенти запишани со школарина (со кофинансирање) согласно договорот потпишан со факултетот. Износот на сумата, претставува збир на вкупната сума од цената на кредити при прво запишување на предмети и вкупната цена на кредити за презапишување на предмети (доколку студентот презапишува предмети), согласно образецот за ектс одобрен од координаторите за ектс. Цените на кредити се одредени согласно со одлука на Деканатска управа бр. 02-3456/2 од 15.02.2010 година.

Напомена 1:

Напомена 2:

Согласно, чл.34, чл.35, чл.36 и чл.37 од Правилникот за условите, критериумите,  правилата и постапката за запишување и  студирање на прв циклус студии (додипломски студии) и втор циклус студии (постдипломски студии) на УКИМ, бр.417, 29 јануари 2019) студентите, при упис на предметите треба да внимааат:

- при запишување на нови предметите, изборот на истите,  треба да е во согласност со правилата за напредување, утврдени со   студиските програми,

- на условувачките критериуми, односно на предусловите за запишување на секој предмет, кои се дефинирани во студиската програма (хоризонтална и вертикална условеност),

- најпрво ги презапишуваат неположените задолжителни и изборни предмети од претходниот летен семестар, а потоа задолжителните предмети од тековниот семестар, и на крај изборните од тековниот семестар, но не повеќе од вкупно 35  кредити,

- при повторно запишување на неположен изборен, студентот има право да го замени со друг изборен предмет (доколку сака да изврши промена - се поднесува барање до ектс координаторот на соодветниот Институт),

- доколку студентотво семестарот запишува изборен/изборни  од универзитетската листа на слободни изборни предмети за прв циклус студии на УКИМ, да се внесе во образецот за упис на семестарот,  во точното поле. (10% од изборните предмети)

Ви напоменуваме, дека електронскиот систем не ги пресметува точно кредитите, за предметите кои се презапишуваат. Студентите, да се придржуваат кон табелата погоре за пресметување на вкупната сума за упис на семестарот.

Студентите, кои се во тешка материјална состојба, треба да поднесат барање за плаќање на рати. Согласно Одлуката од деканатска управа сумата до 15.000,00 може да се уплати на 2 рати, а над 15.000,00 на 3 рати. Барањето за плаќање на рати на летниот семестар во уч.2020/2021 година, може да го подигнете од Одделението за студентски прашања или  да го испечатите БАРАЊЕТО (студентите не треба да бараат потпис за одобрување).

сите уплати се вршат на образец ПП50:

- назив и седиште на примач                              ПМФ – СКОПЈЕ

- банка на примач                                                НБРМ                           

- трансакциска сметка                                        100000000063095

- сметка на буџетски корисник на ПМФ                1600110804 788 19

- приходна шифра  програма  начин                     723012 - 41 – 2

- цел на дознака       (упис на летен сем. во уч.2020/2021 г. студиска програма)

Напомена 3 :

Задолжителното  електронско запишување на летниот семестар во уч.2020/2021 година, ќе започне од 05.02.2021 , за сите студентите на ПМФ. (согласно упатството, наведено подоле)

Наставата во летниот сeместар ќе се одвива од 15.02.2021 до 28.05.2020 година

Доколку имате проблеми поврзани со студиската програма (предмети, испити и сл.) пратете електронска порака со опис на проблемот, број на индекс, на: - keti@pmf.ukim.mk (математика, математика-физика и физика),

- lidija.mitevska@pmf.ukim.mk (биологија, биологија–хемија, етнологија и антропологија) и ivanam.ristovska@pmf.ukim.mk (хемија, географија)

за технички проблеми (заборавена лозинка, промена на мејл адреса и сл.) - stefan@pmf.ukim.mk. во пораката задолжително да се напише опис на проблемот, број на индекс, име и презиме на студент и електронска адреса со која е регистриран во системот.

Упатство за запишување и заверување на семестар преку “ i-know ” 

Откако ќе се најавите на системот, пред вас се отвара почетната страница за студентите. На неа се наоѓааат активни соопштенија кои биле поставени од факултетот. Главното мени за навигација се наоѓа на горниот дел од страницата веднаш под името, презимето и бр. индекс на најавениот студент.

Во табот "запишани семестри" од менито, има табеларен преглед на претходно запишаните семестри. претходно запишаниот семестар (зимски 2020/2021), кој сега треба да се заверува, ќе биде заверен од страна на службениците на студентската служба, тогаш кога ќе се приложат документи кои физички ќе ги депонирате и собраните потписи од професорите во индексот.

Во табот  "запишани семестри", во горниот дел се наоѓа опцијата за запишување на следниот семестар (летен 2020/21). Oд листата понудени семестри го избирате следниот семестар. Oпциите за насока, квота и вид на студии ви се предодредени според претходниот семестар кој сте го запишале. Доколку имате промена на овие податоци по разни основи, мора да се обратите на Одделението за студентски прашања. Откако сте ги избрале соодветните параметри, на копчето ”внеси” го запишувате следиот семестар. откако новиот запишан семестар ќе се појави прв (најгоре) во табелата запишани семестри.

Откако ќе го запишете новиот семестар се упатувате на следниот таб "предмети". Тука ги избирате предметите кои ќе ги следите во следниот семестар.  најгоре лево на формата е избран семестарот за кој ќе избирате предмети (летен 2020/21). Треба да ги изберете сите задолжителни предмети кои на вашата насока, може да ги  слушате во летниот семестар, како и дел од изборните од тој семестар, ако има, но не повеќе предмети, односно не повеќе од   вкупно 35 кредити по семестар.

Во прва година нормално е да се следат 30 кредити по семестар. оние предмети кои ги запишувате да ги следите, ги префрлате од левите листи во десните со помош на копчињата за лево/десно меѓу листите. Со секое префрлање на избран предмет од лево во десно се ажурира сумата за плаќање за тој семестар, сместена најгоре во средишниот дел на формата.  Во прва година, после избор на соодветни предмети, сумата за плаќање треба да е 30 кредити односно 6300 мкд за студентите од државна квота и 12300 мкд за студентите со кофинансирање. Ви напоменуваме, дека електронскиот систем не ги пресметува точно кредитите кои се презапишуваат, за студентите од 4 семестар, па нагоре. Студентите, да се придржуваат кон табелата погоре за пресметување на вкупната сума за упис на семестарот.  Откако сите потребни предмети ќе се префрлат во десните листи, најдолу десно на формата со копчето “запиши” сите избрани предмети ќе се запишат за тој семестар и ќе се појават во табела “запишани предмети” во горниот дел на формата. Oткако со копчето “запиши” ќе ги запишете предметите, завршува електронскиот дел од запишувањето на следниот семестар. Вам ви останува физички да ги однесете документите за заверка на минатиот и запишување на следниот семестар на шалтерите на Одделението за студентски прашања, согласно упатството.

Студентите кои ги полагаат наведените предмети во втора декада да се упатат во соодветните амфитеатри објавени на следниот распоред

Резултатите од писмениот испит со физичко присуство во рамките на Втората декада од Јануарско-февруарската сесија може да ги најдете на овој линк. 

Писмениот колоквиум по Клеточна биологија/Цитологија се положува со минимум 20 бода од можни 40. 

Првиот колоквиум по АМР се положува со минимум 18 бода, а вториот со минимум 20 бода. 

Писмениот испит по ОГ се смета за положен доколку половината од збирот на вкупниот број на бодови од двата колоквиума не е помал од 24 бода, а при тоа бројот на освоени бодови од едниот од колоквиумите да не е помал од 18 бода.  

Се соопштува на студентите на Институтот за биологија дека на ден 08.02.2021 (понеделник) и 09.02.2021 (вторник) од 12:00 до 14:00 часот во Лабораторија бр. 79 можат да ги реализираат обврските за земање потписи по предметите од изминатиот семестар и оценки од положените предмети кај наставниците проф. д-р Соња Гаџовска Симиќ и доц. д-р Оливер Тушевски.

Полагањето на предметот Исхрана и метаболизам на растенија кај Проф. д-р Ленка Цветановска ќе се одржи на 08.02.2021 (понеделник), со почеток од 10 часот.

Резултатите од практичниот испит одржан во првата декада од Јануарско-февруарската сесија може да ги најдете на следниов линк:

НАПОМЕНА: Колоквиумот по КБ и Цитологија се смета за положен со минимум 3.5 од вкупно 7 бода.  Практичниот испит по АМР се положува со минимум 10 од можни 20 бода. Практичниот испит по ОГ се положува со минимум 7 од можни 14 бода. 

Резултатите се објавени на овој линк.

Почитувани колеги,

приложениот документ ги содржи сите потребни информации во врска со изборот и уписот на изборните предмети за насоката Биохемија и физиологија во летниот семестар од академската 2020-2021.

Со почит,

Координатор за насоката Биохемија и физиологија, м-р Марија Ангеловски

Резултатите од писмениот испит со физичко присуство во рамките на Првата декада од Јануарско-февруарската сесија може да ги најдете тука.

Првиот колоквиум по АМР се положува со минимум 18 бода, а вториот со минимум 20 бода. Писмениот испит по ОГ се смета за положен доколку половината од збирот на вкупниот број на бодови од двата колоквиума не е помал од 24 бода, а при тоа бројот на освоени бодови од едниот од колоквиумите да не е помал од 18 бода.